Site Overlay

يوميات ام ولد hyper active

بعد ٥ سنين اكتشفت أن شقاوة ابنى ده نتيجه أنه عنده فرط حركة و ده مش مرض ده تأخر نمو لبعض أجزاء المخ و ده مش تشوه الحمد لله بس لما بيكتمل النمو مع السنين و كل طفل حسب حالته و غالبا عند سن البلوغ بيكون خلاص انسان طبيعى
الفكرة ان انا شخصيا مكنتش فاهمه الوضع ده اسمع عنه بس مكنتش اعرف عنه اى تفاصيل و ده للعلم بالشئ وراثي يعنى اللى كان هايبر وهو صغير ياخد باله علشان ولاده حيطلعوا زيه😊 و على فكرة مالوش علاقه بالذكاء بس بيأثر عليه فى أنه على طول عايز يتحرك و بالتالى مش بيركز كويس و متسرع بس على شرط لازم تبقى انت هادى لأن اى عصبيه بتأثر عليه سلبيا و يضاف إليه العصبيه أو العنف على حسب ردود الفعل طبعا ده برده استوعبته مؤخرا يمكن عرفته بس معرفه الصورة كامله و أبعادها هى اللى فرقت معايا
طيب فين المشكله ادينى عرفت حاله ابنى و تمام كده لا طبعا😊 متبقاش الدنيا كده سهله يعنى امال ايه، الوضع بقى صعب فى المدرسه و بسؤال المختصين طلع أن معظم المدارس لما بتلاقى عندها ولد عنده فرط حركة بتبدى تقرف أهله و ترزل على الواد علشان يطفشوا 😬
طيب ايه العمل الله اعلم ⁦☹️⁩،لو وصلت إلى جديد حكتبه🌷